पाऊस काल रात्रीचा
पाऊस काल रात्रीचा
गेला तुज आठवून
मनातली प्रतिमा तुझी
पाण्यात साठवून
गेला तुज आठवून
मनातली प्रतिमा तुझी
पाण्यात साठवून
हिंदोळ्यांवर वाऱ्याच्या
प्रतिबिंब तुझे हालले
थवे कृष्णमेघांचे
अस्ताकडे चालले
प्रतिबिंब तुझे हालले
थवे कृष्णमेघांचे
अस्ताकडे चालले
अवखळ तुझा स्पर्श जणू
ओलेती अवखळ मृदा
ओंजळीतले बिंब तुझे
प्राशुनी शांत क्षुधा
ओलेती अवखळ मृदा
ओंजळीतले बिंब तुझे
प्राशुनी शांत क्षुधा
केसांत तुझ्या पसरले
पुष्पांचे अवघे रान
भिजलेला रानपक्षी
गातो तुझेच गान
पुष्पांचे अवघे रान
भिजलेला रानपक्षी
गातो तुझेच गान
ओल्या वाटेवरुनी
मन धावते व्याकुळलेले
सुगंधावरी तुझिया
पर्णजाल सळसळलेले
मन धावते व्याकुळलेले
सुगंधावरी तुझिया
पर्णजाल सळसळलेले
पाऊस काल रात्रीचा
भिजवून मनासी गेला
तुझ्या नयनांच्या चंद्रान्नी
सजवूनी रात्रीस गेला
भिजवून मनासी गेला
तुझ्या नयनांच्या चंद्रान्नी
सजवूनी रात्रीस गेला
– दर्शन
No comments:
Post a Comment