मिलन

कृष्ण रात्रि या चंद्रप्रकाशी
वाट तो पाहतो यमुनातीरी

राधिकेचि बेचैन पाऊले
धावती घेउनी कलश शिरी

नयन मिटूनी तो कृष्णसखा
वाजवीतो स्वप्नवत बासुरी

हृदयातिल सुर असे दैवी
भरून रहाती चराचरी

अथक पाउले राधिकेचीहि
उमटत जाती धरणी वरी

पाश तोडूनी धावत राहती
ओलांडती भुमी अन गिरी

उत्तररात्री असे मिलन जाहले
जसा चंद्र स्पर्शतो क्षितिजावरी

ईश प्रकृती मिलन होतसे
कोसळती प्रेमाच्या सरी

— दर्शन